A. Puzzle

Xotira: 32 MB, Vaqt: 1000 ms

Masala

Sizga \(n*n\) jadval beriladi. Berilgan jadvalga \(1\) dan \(n^2\) gacha bo'lgan sonlarni shunday joylashtirish kerakki, bunda har bir juft sonning barcha qo'shnilari toq son, toq sonning qo'shnilari esa juft son bo'lishi kerak.

Jadvaldagi elementga qo'shni element deb, unga gorizontal yoki vertikal yo'nalishda tutashgan elementlarga aytiladi.

Agar \(n*n\) jadvalni yuqoridagi usulda to'ldirishning imkoni bo'lsa “YES”, aks holda “NO” chiqaring

Kiruvchi ma'lumotlar:

Bitta qatorda \(n\) natural soni.

\(3 \leq N \leq 10^{2}\)

Chiquvchi ma'lumotlar:

Bitta qatorda agar jadvalni yuqoridagi usulda to'ldirish mumkin bo'lsa “YES”, aks holda “NO” chiqaring.

Misollar:

#	INPUT.TXT	OUTPUT.TXT
1	100	YES

B. ID karta

Xotira: 32 MB, Vaqt: 1000 ms

Masala

Passportlarning o'rniga ID kartalar joriy etilganidan xabaringiz bor. ID kartada ism familiya va sharifi quyidagi tartibda yoziladi. Bir biridan probel bilan ajratilmagan holda, ismning birinchi harfi (katta harfda), nuqta, sharifning birinchi harfi (katta harfda), nuqta va familiya to'liq yoziladi.
Sizning vazifangiz berilgan ismlarni ID karta uchun moslab chiqishdan iborat.

Kiruvchi ma'lumotlar:

Birinchi qatoda \(N\) natural soni beriladi. Keyingi \(N\) ta qatorning har birida probel bilan ajratilgan holda bittadan ism, familiya va sharif beriladi. Ism, familiya va shariflarning birinchi harflari katta, qolganlari esa kichik lotin harflari bilan beriladi.

\(1 \leq N \leq 10^{5}\)

Berilgan barcha satrlarning yig'indisi \(10^{6}\) dan oshmasligi kafolatlanadi.

Chiquvchi ma'lumotlar:

\(N\) ta qatorda har bir ism, familiya va sharifni ID kartaga yozish mumkin bo'lgan formatda chiqaring.

Misollar:

#	INPUT.TXT	OUTPUT.TXT
1	2 Aziz Abdullayev Sharifovich Bekmirza Toshpo'latov Olimovich	A.S.Abdullayev B.O.Toshpo'latov

C. Toshbaqa va quyon poygasi

Xotira: 16 MB, Vaqt: 1000 ms

Masala

Kunlarning birida toshbaqa va quyon poyga o'ynashga kelishishdi. Poyganing shartlari quyidagicha:

Quyon poyga boshlanadigan nuqtada turadi.Toshbaqa esa quyondan \(X\) metr oldinda turadi.
Toshbaqa daqiqasiga \(A\) metr, quyon esa \(2*A\) metr harakatlanadi.
Shu tariqa poyga \(N\) daqiqa davom etadi.

Sizning vazifangiz poygada ularning qaysi biri g'olib bo'lganini aniqlashingiz kerak bo'ladi.

Kiruvchi ma'lumotlar:

Bitta qatorda quyon va toshbaqa orasidagi masofa \(X\), bir daqiqada toshbaqa necha metr masofa boshib o'tishi \(A\), poyga necha daqiqa davom etishi \(N\).
\(1\leq X \leq10^{18}\)

\(1\leq A, N \leq 10^{9}\)

Chiquvchi ma'lumotlar:

Yagona qatorda, agar poygada toshbaqa g'olib bo'lsa ″Toshbaqa″, agar quyon g'olib bo'lsa ″Quyon″, agar durrang qayd etilsa ″Draw″ chiqaring.

Misollar:

#	INPUT.TXT	OUTPUT.TXT
1	20 2 7	Toshbaqa
2	20 12 5	Quyon
3	20 10 2	Draw

D. Tom va klaviatura

Xotira: 32 MB, Vaqt: 1000 ms

Masala

Tom klaviaturada tez yozishni juda ham yoqtiradi. Ammo uning klaviaturasida \(Aa\) va \(Bb\) harflari ishlamaydi, shu sababli u yangi klaviatura xarid qildi. Aksiga olib yangi klaviaturasida \(Yy\) va \(Zz\) harflari ishlamas ekan. Tom ikkala klaviaturani ham bir paytda kompyuterga ulab ishlashiga to'g'ri keldi. Agar Tom yozish vaqtida klaviaturaning ishlamaydigan harflarini bosishiga to'g'ri kelsa u CTRL tugmasini bosib bir klaviaturadan ikkinchi klaviaturaga o'tishiga to'g'ri kelardi.
Misol uchun: ″salom yoshligim″ matnini terish uchun Tom ″salom ″ matnini bir klaviaturada terib song CTRL tugmasini bosib boshqa klaviaturaga o'tishi va ″yoshligim″ matnini terishi kerak.
Berilgan matnni to'liq terish uchun Tom minimal nechta tugmachani bosishi kerak bo'ladi? (eslatib o'tamiz probel ham tugma hisoblanadi)

Kiruvchi ma'lumotlar:

Bitta qatorda sizga Tom yozishi kerak bo'lgan lotin alifbosining kichik harflaridan va probeldan iborat matn beriladi.

Matndagi belgilarning umumiy soni \(2*10^{5}\) tadan oshmasligi kafolatlanadi.

Chiquvchi ma'lumotlar:

Berilgan matnni terish uchun Tom bosishi kerak bo'lgan tugmachalarning minimal sonini chop eting.

Misollar:

#	INPUT.TXT	OUTPUT.TXT
1	hdd	3
2	iespodtxyn	10

E. Matematik ifoda

Xotira: 32 MB, Vaqt: 1000 ms

Masala

\(N\) natural soni \(M\) natural soniga qoldiqsiz bo'ladi. \(N\) natural sonining raqamlari orasiga istalgan bitta raqamni joylashtirish orqali \(M\) ga qoldiqsiz bo'linadigan va \(N\) dan katta bo'lgan minimal natural sonni hosil qilish kerak.

Kiruvchi ma'lumotlar:

Bitta qatorda \(N\) va \(M\) natural sonlari.

\(1 \leq N, M \leq 10^{15}\)

Chiquvchi ma'lumotlar:

Yagona qatorda masala javobini chop eting.

Misollar:

#	INPUT.TXT	OUTPUT.TXT
1	4 2	14

F. Shashka o'yini

Xotira: 128 MB, Vaqt: 1000 ms

Masala

Shashka o'yinida donalar diagonal bo'yicha bitta katakka yurishini bilasiz. Agar sizning shashka donangizning diagonal yo'nalishidagi birinchi katakda raqib donasi turgan bo'lsa va shu diagonal bo'yicha ikkinchi katak bo'sh bo'lsa, demak siz raqib donasini urib olishingiz mumkin. Bu vaziyatda urib olingan dona katakdan olib tashlanadi, sizning donangiz esa diagonal bo'ylab ikkinchi katakka qo'yiladi.
Agar siz raqib donasini urib olganingizdan so'ng yana raqib donasini urib olish imkoniyati bo'lsa, bir yurishning o'zida navbatdagi donalarni ham urib olishda davom etishingiz mumkin. (Masalada “Damka” holati mavjud emas deb hisoblanadi)

Sizga shashka o'yinidagi qaysidir holat beriladi. Sizning vazifangiz shu holatda yurish sizda bo'lganida eng ko'pi bilan nechta raqib donasini urib olishingiz mumkinligini topishdan iborat. (Holatlardagi donalar soni haqiqiy shashka o'yini bilan mos kelmasligi mumkin.)

Kiruvchi ma'lumotlar:

\(8\) ta qatorda \(8*8\) shashka taxtasidagi holat beriladi. Bu yerda '#' bo'sh joylarni, '@' sizning donangizni, '&' esa raqib donasini bildiradi.

Chiquvchi ma'lumotlar:

Bir urinishda maksimum nechta raqib donalarini urib olishingiz mumkinligini chop eting.

Misollar:

#	INPUT.TXT	OUTPUT.TXT
1	#&###### ######## #####&## ##&###&# ###&#### &#&##### ###@###& ##@#@###	2