A. MJtK 128-3

Xotira: 256 MB, Vaqt: 1000 ms
Masala

\(128^3\)-modda. Transport vositalari haydovchilarining belgilangan harakat tezligini oshirib yuborishi

  1. Transport vositalari haydovchilarining belgilangan harakat tezligini soatiga 20 kilometrdan koʻp boʻlmagan kattalikda oshirib yuborishi, — bazaviy hisoblash miqdorining bir baravari miqdorida jarima solishga sabab boʻladi.
  2. Transport vositalari haydovchilarining belgilangan harakat tezligini soatiga 20 kilometrdan ortiq, lekin 40 kilometrdan koʻp boʻlmagan kattalikda oshirib yuborishi, —bazaviy hisoblash miqdorining besh baravari miqdorida jarima solishga sabab boʻladi.
  3. Transport vositalari haydovchilarining belgilangan harakat tezligini soatiga 40 kilometrdan ortiq, lekin 60 kilometrdan koʻp boʻlmagan kattalikda oshirib yuborishi, — bazaviy hisoblash miqdorining toʻqqiz baravari miqdorida jarima solishga sabab boʻladi.
  4. Transport vositalari haydovchilarining belgilangan harakat tezligini soatiga 60 kilometrdan ortiq kattalikda oshirib yuborishi, — bazaviy hisoblash miqdorining oʻn besh baravari miqdorida jarima solishga sabab boʻladi.

Ushbu moddaning birinchi — toʻrtinchi qismlarida nazarda tutilgan huquqbuzarliklar sodir etilganda tezlikni oʻlchaydigan maxsus uskunalar va transport vositalari spidometri koʻrsatkichlaridagi yoʻl qoʻyilishi mumkin boʻlgan jami xatolar hisobga olinib, ularda qayd etilgan tezlikdan soatiga 5 kilometr chegirib tashlangan holda, maʼmuriy jazo chorasi qoʻllaniladi.

(\(128^3\)-modda Oʻzbekiston Respublikasining 2025-yil 20-fevraldagi OʻRQ-1033-sonli Qonuni tahririda — Qonunchilik maʼlumotlari milliy bazasi, 21.02.2025-y., 03/25/1033/0164-son)

Kiruvchi ma'lumotlar:

Kirish faylining yagona satrida ikkita butun son, Ruxsat etilgan maksimal tezlik hamda tezlikni oʻlchaydigan maxsus uskunalarda qayd etilgan tezliklar berilgan. Tezliklar qiymati [0, 200] oralig'ida.

Chiquvchi ma'lumotlar:

Haydovchiga bazaviy hisoblash miqdorining necha barobari miqdorida jarima qo'llanilishini aniqlang. Agar jarima qo'llanilmasa 0 qiymatini chop eting.

Misollar:
# INPUT.TXT OUTPUT.TXT
1 
60 65
 
0
2 
60 90
 
5

B. PECHENYE

Xotira: 256 MB, Vaqt: 1000 ms
Masala

Muhammadamin yaqinda tug‘ilgan kunini nishonladi. Uning barcha do'stlari bir xil qutili, ya'ni, O‘zbekistonning mashhur brendi — Crafers pechenyelaridan sovg‘a qilishdi.

Har bir qutida 40 ta pechenye bor.

Muhammadaminning singlisi Safiya ham pechenyeni juda yaxshi ko‘radi. Muhammadamin unga o'z pechenyelaridan yeyishga ruxsat berdi:

“Istaganingcha ye, keyin tug‘ilgan kuningda qaytarib berasan.”

Muhammadamin uydan chiqib ketishdan oldin yozib qo‘ydi:

  • ochiq qutida nechta pechenye borligi
  • nechta to‘liq(ochilmagan) quti borligi

Safiya Muhammadamin uyda yo‘qligida pechenyelardan bir nechtasini yeb qo‘ydi.

Muhammadamin qaytgach yana yozib oldi va singlisiga uydan ketishidan oldin nechta borligini va hozir nechta qolganligini aytdi.

Safiya Muhammadamindan "qarz" bo'lgan pechenyelarini to'liq qutilarda to'lamoqchi. Safiyaga akasi Muhammadamindan nechta quti Crafers pechenyesi "qarz" bo'lganligini aniqlashda yordam bering.

Kiruvchi ma'lumotlar:

Kirish faylida alohida qatorda 4 ta butun son berilgan, 

Muhammadamin uydan chiqishidan oldin:

  • \(N_1(0 \le N_1 \le 39)\) - ochiq crafers qutida nechta pechenye borligi,
  • \(K_1 (0 \le K_1 \le 99)\) - nechta to‘liq(ochilmagan) quti borligi

Muhammadamin uyga qaytganidan keyin:

  • \(N_2(0 \le N_2 \le 39)\) - ochiq crafers qutida nechta pechenye borligi,
  • \(K_2 (0 \le K_2 \le 99)\) - nechta to‘liq(ochilmagan) quti borligi.
Chiquvchi ma'lumotlar:

Safiya yegan pechenyelarini sonini hamda to'liq qutilarda "qarz"ini to'lashi uchun necha quti crafers pechenyesi kerakligini aniqlang!

Misollar:
# INPUT.TXT OUTPUT.TXT
1 
20
1
15
1
 
5
1
2 
15
3
16
1
 
79
2

C. Shaxmat

Xotira: 256 MB, Vaqt: 1000 ms
Masala

Tarixiy g'alaba yaqinlashmoqda!. 

Javohir va Gukesh shaxmat o‘ynashmoqda. Javohir oxirgi soniyalarda Gukeshni shunday vaziyatga keltirdiki, taxtada Javohirda 2 ta ruh (to'ra) va 1 ta qirol qoldi, Gukesh tomonda esa faqat qirol bor.

Eslatma: Shaxmat 64 katakdan iborat taxtada o‘ynaladi. U 8 ta qator va 8 ta ustunga bo‘lingan. Ustunlar A dan H gacha harflar bilan, qatorlar esa 1 dan 8 gacha sonlar bilan belgilanadi.

Qolgan figuralar faqat ruhlar va qirollar bo‘lgani uchun ularning yurish qoidalarini bilish yetarli.

Figuralar harakati

  • Ruh (to'ra):
    Agar u boshqa figuraga nisbatan bir xil qator yoki ustunda joylashgan bo‘lsa va ular orasida boshqa figura bo‘lmasa, unga hujum qiladi.
  • Qirol:
    Atrofidagi 8 ta qo‘shni katakka (yuqori, past, chap, o‘ng va 4 ta diagonal) yuradi va shu kataklardagi figuralarga hujum qiladi.

Gukesh hozir yurish navbatida. U o‘z qirolini faqat qo‘shni katakka yurita oladi, lekin faqat o‘sha katakka Javohirning figuralari hujum qilmaydigan bo‘lsa.

Sizning vazifangiz

Berilgan barcha 4 ta figuraning joylashuviga asoslangan holda quyidagilardan o'yin holatiga mos izohni aniqlab beradigan dastur yozishdan iborat.

  • "Mat" — agar qirol hujum ostida bo‘lsa va hech qayerga yurib bo‘lmasa.
  • "Pat" — agar qirol hujum ostida emas, lekin hech qayerga yurib bo‘lmasa
  • "Shah X" — agar qirol hujum ostida bo‘lsa va X ta xavfsiz yurish bo‘lsa
  • "Erkin X" — agar qirol hujum ostida emas va X ta xavfsiz yurish bo‘lsa
Kiruvchi ma'lumotlar:
  • 1-qator: Gukesh qirolining pozitsiyasi
  • 2-qator: Javohirning 3 figurasi pozitsiyasi (2 ta ruh va 1 ta qirol), bo‘sh joy bilan ajratilgan

⚠️ Javohirning hech bir figurasi Gukesh qirolining qo‘shni kataklarida joylashmagan.

Chiquvchi ma'lumotlar:

O'yin holatiga mos izohni chop eting.

Misollar:
# INPUT.TXT OUTPUT.TXT
1 
E6
C5 F2 C3
 
Erkin 3
2 
A1
A3 A4 C3
 
Shah 1
3 
H6
H1 E8 F6
 
Mat

D. Shokoladxo‘r Davlatbek

Xotira: 256 MB, Vaqt: 1000 ms
Masala

Davlatbekda \(K\) ta shokolad bor edi. Uning do‘sti Shohruh undan \(M\) ta shokolad so‘radi. Davlatbek birdaniga hammasini berishni xohlamadi, shuning uchun ular kelishib olishdi: shokoladlarni birga yeyishadi.

Ya’ni jami \(K\) ta shokolad navbatma-navbat yeyiladi. Shundan:

  • Davlatbek \(K-M\) ta
  • Shohruh \(M\) ta shokolad yeydi.

Davlatbekning sharti shunday edi: jarayon davomida u hech qachon Shohruhdan kam shokolad yeb qo‘ymasligi kerak. Ya’ni har qanday paytda Davlatbek yegan shokoladlar soni Shohruhnikidan kam bo‘lib qolmasligi shart.

Kiruvchi ma'lumotlar:

Bitta qatorda ikkita butun son beriladi:
\(K (2 \le K \le 2000)\) va \(M(1 \le M \le \frac{K}{2})\) — Davlatbekda bor shokoladlar soni va Shohruh so'ragan shokoladlar soni.

Chiquvchi ma'lumotlar:

Berilgan \(K\) va \(M\) qiymatlar uchun, shokoladlarni yeyishning shu shartga mos keladigan nechta turli ketma-ketligi borligini aniqlang.

Javob katta son bo'lishi mumkin, shu sababli javobni \(10^9+9\) ga bo'lgandagi qoldiqni aniqlang.

Misollar:
# INPUT.TXT OUTPUT.TXT
1 
4 2
 
2
2 
6 3
 
5

E. Sensor Tarmog'i

Xotira: 256 MB, Vaqt: 1000 ms
Masala

"NovaTech" robotika zavodida \(N×M\) o'lchamli sensor matritsasi o'rnatilgan. Har bir \((i, j)\) sensorida joriy energiya darajasi \(a[i][j]\) saqlanadi. Zavod uzoq vaqt to'xtatib qo'yilgani sababli, ko'plab sensorlarning energiyasi pasayib ketgan — hatto ba'zilari manfiy qiymatlarda ishlayapti.

Bosh nazorat roboti Sentinel-X tizimni ishga tushirishi uchun barcha sensorlar \(K\) dan katta yoki teng energiya darajasiga ega bo'lishi shart. Sentinel-X shartni tekshirib, yetarlicha quvvat bo'lmasa jarayonni to'xtatadi.

Zavod muhandislari Q ta rejalashtirilgan quvvatlash operatsiyasini navbat bilan amalga oshirishga tayyor. Har bir operatsiyada maxsus quvvatlash stansiyasi \((r1, c1)–(r2, c2)\) to'rtburchak sohasidagi barcha sensorlarga \(V\) birlik energiya yuboradi.

Sentinel-X nechta operatsiyadan keyin tizimni ishga tushira olishini aniqlang.

Kiruvchi ma'lumotlar:

Birinchi qatorda ikkita butun son —\(N, M\) (sensor matritsasining o'lchamlari).  \(2 ≤ N, M ≤ 1000\)

Keyingi \(N\) qatorda har birida \(M\) ta butun son — sensorlarning boshlang'ich energiya darajalari. 

Keyingi qatorda ikkita butun son — \(Q\) (operatsiyalar soni) va \(K\) (kerakli minimal energiya). \(1 ≤ Q ≤ 100000\)

Keyingi \(Q\) qatorda beshta butun son \(r1, c1, r2, c2, V\) — quvvatlash operatsiyasi: \((r1, c1)–(r2, c2)\) to'rtburchakdagi har bir sensorga \(V\) energiya qo'shiladi.

\(1 ≤ V ≤ 1000\)

\(−1000 ≤ a[i][j] ≤ 1000\)

\(1 ≤ r1 ≤ r2 ≤ N, 1 ≤ c1 ≤ c2 ≤ M\)

Operatsiyalar qat'iy tartibda bajariladi

\(Q\) ta operatsiyadan keyin barcha sensorlar \(K\) dan katta yoki teng bo'lishi kafolatlangan

Chiquvchi ma'lumotlar:

Barcha sensorlar energiyasi \(K\) dan katta yoki teng bo'lishi uchun zarur bo'lgan minimal operatsiyalar sonini chiqaring.

Izoh:

K=6. Birinchi operatsiyadan so'ng ba'zi sensorlar hali 2 da turibdi (< 6). Ikkinchi operatsiyadan so'ng barcha sensorlar ≥ 6 bo'ladi. Uchinchi operatsiya kerak emas — javob 2.

Misollar:
# INPUT.TXT OUTPUT.TXT
1 
4 6
1 1 1 3 2 2
1 1 1 3 2 2
6 4 4 4 2 2
6 4 4 4 5 7
3 6
1 1 3 3 5
1 2 4 6 5
4 1 4 3 1
 
2
2 
2 2
1 9
9 1
3 10
1 1 2 2 4
1 1 2 2 3
1 1 2 2 3
 
3

F. Dron Signallari

Xotira: 256 MB, Vaqt: 1000 ms
Masala

"SkyNet" loyihasida \(N\) ta razvedka droni faoliyat ko'rsatmoqda. Har bir dron o'ziga xos signal chastotasiga ega — bu chastotalar to'plami \(w\) ni tashkil etadi. 

Dronlar o'rtasida maxsus "umumiy chastota" tizimi mavjud: agar bir nechta dronning signal chastotalarining eng katta umumiy bo'luvchisi (EKUB) biror \(x\) qiymatiga teng bo'lsa, \(x\) chastotasida yangi aloqa kanali ochiladi. Ya'ni \(w\) to'plamidagi har bir \(x\) yoki birorta dronning o'z chastotasi, yoki kamida ikkita dron chastotasining EKUBi dir.

Loyiha boshlig'i minimal miqdordagi asosiy dronlar to'plami \(v\) ni topmoqchi — shunday to'plamki, \(v\) dagi barcha chastotalar \(w\) da mavjud bo'lsin va \(v\) dan boshlab butun \(w\) to'plamini hosil qilish mumkin bo'lsin.

Kiruvchi ma'lumotlar:

Birinchi qatorda \(N\) — \(w\) to'plamdagi elementlar soni. \((1 ≤ N ≤ 100000)\)

Ikkinchi qatorda \(N\) ta musbat butun son — \(w\) to'plamining elementlari, o'sib boruvchi tartibda.

Barcha chastota qiymatlari musbat va \(100000 \)dan kichik yoki teng

\(w\) dagi barcha qiymatlar bir-biridan farqli

Javob har doim mavjud

Bir nechta minimal \(v\) mavjud bo'lsa, istalgan biri qabul qilinadi

Chiquvchi ma'lumotlar:

Birinchi qatorda \(K\) — minimal \(v\) to'plamidagi elementlar soni. 

Ikkinchi qatorda \(K\) ta musbat butun son — \(v\) to'plamining elementlari, o'sib boruvchi tartibda.

Misollar:
# INPUT.TXT OUTPUT.TXT
1 
5
1 2 4 6 7
 
3
4 6 7
2 
4
2 4 8 16
 
4
2 4 8 16

G. Robot Konveyerlari

Xotira: 256 MB, Vaqt: 1000 ms
Masala

"MechPro" zavodida uchta robot konveyer tizimi parallel ishlaydi. Har bir konveyer vaqt bo'yicha aniq jadval asosida mahsulot chiqaradi:

- i-konveyer birinchi mahsulotini \(a_i\) sekundda chiqaradi, keyin har \(r_i\) sekundda bir marta, jami \(n_i\) ta mahsulot ishlab chiqaradi.

Zavod bosh tizimi har bir mahsulot chiqarilgan vaqtni qayd etadi. Lekin bir xil vaqtda bir nechta konveyer mahsulot chiqarsa, bu bitta yozuv sifatida saqlanadi.

Jami nechta turli vaqt yozuvi saqlanganligini aniqlang.

Kiruvchi ma'lumotlar:

Uchta qatorda bittadan: \(aᵢ, rᵢ, nᵢ\) — i-konveyerning boshlang'ich vaqti, davri va mahsulotlar soni.

- \(0 < aᵢ, rᵢ ≤ 10⁶\)

- \(0 < nᵢ ≤ 10⁹\)

Chiquvchi ma'lumotlar:

Turli vaqt yozuvlarining umumiy sonini chiqaring.

Izoh:

- 1-konveyer: {2, 4, 6, 8, 10, 12, 14, 16, 18, 20}

- 2-konveyer: {3, 7, 11, 15, 19, 23, 27, 31}

- 3-konveyer: {1, 4, 7, 10, 13, 16, 19, 22, 25, 28, 31, 34}

Birlashma: {1, 2, 3, 4, 6, 7, 8, 10, 11, 12, 13, 14, 15, 16, 18, 19, 20, 22, 23, 25, 27, 28, 31, 34} — jami 24 ta turli vaqt.

Misollar:
# INPUT.TXT OUTPUT.TXT
1 
2 2 10
3 4 8
1 3 12
 
24
2 
1 3 4
1 2 6
2 3 4
 
10
Kitob yaratilingan sana: 29-Apr-26 14:53