A. Robot

Xotira: 16 MB, Vaqt: 1000 ms

Masala

Sizga 48 ta 0 va 1 ta 1 dan iborat 7x7 jadval berilgan, 1 soni robotning hozirgi holatini bildiradi. Robot bir harakatda gorizontal yoki vertikal yo’nalishda 1 pozitsiyagi yurishi mumkin. Robot 7x7 jadvalning markaziga yetib kelishi uchun necha qadam bosishi kerakligini aniqlang!

Kiruvchi ma'lumotlar:

Kirish faylida yuqorida aytilgan 7x7 jadval kiritiladi.

Chiquvchi ma'lumotlar:

Robot jadvalning markaziga yetib kelishi uchun eng kamida necha qadam yurishi kerakligini chop eting!

Misollar:

#	INPUT.TXT	OUTPUT.TXT
1	0 0 0 0 0 0 0 0 0 0 0 0 0 0 0 0 0 0 0 0 0 0 0 0 0 0 0 0 1 0 0 0 0 0 0 0 0 0 0 0 0 0 0 0 0 0 0 0 0	4

B. Bankdan pul olish

Xotira: 16 MB, Vaqt: 1000 ms

Masala

G’ishmat sport o’yinlarini analiz qilishga juda qiziqadi va u bu qiziqishi ortidan onlayn qimor o’yinlarida ham ishtirok etib turadi.

G’ishmat o’g’li Toshmat ni uylantirib qo’yish maqsadida o’yinlardan yig’gan barcha pulini naqt pul ko’rinishida bankdan yechib olmoqchi.

G’ishmat bank hisob raqamini tekshirib hisobida N dollar pul borligini bilib oldi. Bankda 1, 5, 10, 20, 100 dollarlik kupyuralar mavjud. G’ishmat eng kamida nechta kupyura pul olishini aniqlang!

Kiruvchi ma'lumotlar:

Kirish faylida bitta butun son, N (1 <= N <= 10⁹) kiritiladi.

Chiquvchi ma'lumotlar:

Chiqish faylida yagona butun son, G’ishmat eng kamida nechta kupyura pul olishini chop eting!

Misollar:

#	INPUT.TXT	OUTPUT.TXT
1	125	3

C. Sayohat

Xotira: 16 MB, Vaqt: 1000 ms

Masala

Ali, Vali va Oqila bir oilaning farzandlari. Ularning ota onasi yozgi ta’tilda farzandlarini chet elga sayohatga olib chiqishmoqchi, oilaviy sharoit juda ham zo’r bo’lmaganligi sababli faqatgina bitta davlatga sayohatga chiqishadi. Qayerga borish haqida qaror qabul qilish imkoniyatini farzandlariga berishdi. Ali Amerikaga borishni xoxlaydi, Vali Germaniyaga borishni xoxlaydi, Oqila esa Misr ehromlarini ko’rish maqsadida Misrga borishni istaydi, shu sababli ular qayerga borishni hal qilish maqsadida shashqol toshi tashlashga qaror qilishdi, kimning tashlagan toshi katta chiqsa aynan u istagan joyga borishadi.

Shashqol toshini Ali tashlaganida A soni tushdi. Vali tashlagan tosh esa B soniga teng. Oqila tosh tashlashdan oldin tosh tashlaganda Misrga sayohatga borish ehtimoli qanday bo’lishini bilmoqchi. Oqila tosh tashlaganda akasi bilan bir xil qiymatli tosh tashlasa akasi Oqilani g’olib deb hisoblaydi. Ya’ni Oqila ikkala akasidan kim katta tosh tashlagan bo’lsa aynan shu qiymatni tashlasa o’z orzusidagi Misrga sayohatga boradi.

Kiruvchi ma'lumotlar:

Kirish faylining yagona satrida ikkita butun son, A va B (1 <= A, B <= 6) sonlari kiritiladi.

Chiquvchi ma'lumotlar:

Chiqish faylida oila sayohat uchun Misrga borish ehtimolligini qisqarmas kars ko’rinishida chop eting.

Misollar:

#	INPUT.TXT	OUTPUT.TXT
1	6 6	1/6
2	6 1	1/6
3	4 3	1/2

D. Massiv bo’laklari

Xotira: 64 MB, Vaqt: 2000 ms

Masala

Uzunligi N ga teng bo’lgan A massiv berilgan. Biz berilgan massivni bir nechta bo’laklarga bo’lib, bo’laklardan B massivni hosil qilishimiz mumkin. Misol uchun agar A = [1, 2, 3] ga teng bo’lsa, biz uni B massivga quyidagi ko’rinishlarda bo’laklab berishimiz mumkin:

B = [(1), (2), (3)]
B = [(1, 2), (3)]
B = [(1), (2, 3)]
B = [(1,2,3)]

Bitta bo’lakning qiymati (bo’lakdagi elementlar yig’indisi) * (bo’lak elementlari soni) ga teng. B massivning qiymati esa undagi barcha bo’laklarning qiymatlari yig’indisiga teng.

Sizga A massiv berilgan, siz hosil qilinishi mumkin bo’lgan barcha B massivlarining umumiy qiymatini toping. Misol uchun yuqoridagi A = [1, 2, 3] da:

[(1), (2), (3)] ning qiymati 1 * 1 + 2 * 1 + 3 * 1 = 6

[(1, 2), (3)] ning qiymati 3 * 2 + 3 * 1 = 9

[(1), (2, 3)] ning qiymati 1 * 1 + 5 * 2 = 11

[(1, 2, 3)] ning qiymati 6 * 3 = 18

Sizning javobingiz 6+9+11+18 = 44 ga teng bo’lishi kerak.

Kiruvchi ma'lumotlar:

Kirish faylining dastlabki satrida bitta butun son, N(1 <= N <= 10⁶), A massiv elementlari soni kiritiladi.

Ikkinchi satrda N ta butun son, A (1 <= A_i <= 10⁹) massiv elementlari kiritiladi.

Chiquvchi ma'lumotlar:

Chiqish faylida yagona butun son, natijaning 10⁹+7 (1000000007) ga bo’lgandagi qoldig’ini chop eting.

Misollar:

#	INPUT.TXT	OUTPUT.TXT
1	3 1 3 6	73
2	5 4 2 9 10 1	971

E. G’ishmatning cho’ntaklari

Xotira: 16 MB, Vaqt: 1000 ms

Masala

G’ishmatda jami n ta tanga bor, i - tanganing qiymati a_i so’m. G’ishmat o’z tangalarini cho’ntaklariga solmoqchi, ammo u qiymati bir xil bo’lgan tangalarni bitta cho’ntakka sololmaydi.

Masalan, agar G’ishmatda oltita tanga bo’lsa va ularning qiymati a = [1,2,4,3,3,2] ko’rinishida bo’lsa G’ishmat tangalarni [1,2,3], [2,3,4] qilib ikkita cho’ntagiga taqsimlab olishi mumkin.

G’ishmat barcha tangasini cho’ntaklariga taqsimlab joylay olishi uchun unda eng kamida nechta cho'ntak bo’lishi kerakligini aniqlang!

Kiruvchi ma'lumotlar:

Kirish faylining dastlabki satrida bitta butun son, n (1 <= n <= 100) soni kiritiladi. Ikkinchi satrda bo’sh joy bilan ajratilgan holda n ta butun son, a (1 <= a_i <= 100) G’ishmatning tangalari qiymatlari kiritiladi.

Chiquvchi ma'lumotlar:

Chiqish faylida yagona butun son, G’ishmatda eng kamida nechta cho’ntak bo’lishi kerakligini aniqlang!

Misollar:

#	INPUT.TXT	OUTPUT.TXT
1	6 1 2 4 3 3 2	2

F. Binar satrli parol

Xotira: 16 MB, Vaqt: 1000 ms

Masala

G’ishmat musobaqalarda ishtirok etish uchun saytda o’z akkountini yaratmoqda. Parol sifatida esa n = a + b uzunlikdagi shunday s binar satr (faqat 0 va 1 lardan iborat satr) tanlamoqchiki bu satr aynan a ta 0 va b ta 1 dan iborat bo’lsin hamda bu satrda aynan x ta s[i] != s[i+1] (1 <= i < n) shartni qanoatlantiradigan i indeks mavjud bo’lsin. G’ishmatga yuqoridagi shartlarni qanoatlantiradigan parol hosil qilishda yordam bering!

Bunday parol mavjudligiga kafolat beriladi!

Kiruvchi ma'lumotlar:

Kirish faylining yagona satrida bo’sh joy bilan ajratilgan holda 3 ta butun son, a(1 <= a <= 100), b(1 <= b <= 100), x(1 <= x < a + b) sonlari kiritiladi.

Chiquvchi ma'lumotlar:

Chiqish faylining yagona satrida shartlarni qanoatlantiradigan ixtiyoriy parol chop eting!

Misollar:

#	INPUT.TXT	OUTPUT.TXT
1	2 2 1	0011
2	3 3 3	010011