Masala #BHEGIFKDDI

Robolandiya - go'zal diyor. U N ta shaharni o'z ichiga oladi, va shaharlar 1 dan N gacha raqamlangan. 

Robolandiya mamlakatida shaharlarni bog'laydigan yo'llarning barchasi pullik yo'l bo'lib, ularning soni M ta hamda bu yo'llar ikki tomonlama harakatlanish yo'nalishiga ega. Ikkita turli shaharlarni to'g'ridan to'g'ri birlashtiradigan yo'llar soni 1 tadan ko'p emas.

Robolandiya fuqarolari barcha shaharlararo yo'llar pullik ekanligidan norozi. Davlatning eng asosiy vazifalaridan biri o'z fuqarolarini rozi qilish, ammo barcha yo'llarni bepul qila olmaydi, bunga sabab yo'llardan tushgan daromad yo'llarni tamirlash uchun kerak bo'ladi. Shu sababli fuqarolar bilan uchrashgan holda quyidagi qarorga kelindi:

• Har bir shaharga kirish yo'llaridan aynan 1 tasi pullik yo'l bo'ladi;
• Har bir yo'l faqatgina bir tomonlama harakat uchun pullik yo'l bo'la oladi.

Yo'l mas'ullari davlatning bu qarorini amalga oshirishi kerak. Ammo ba'zi hollarda bu qarorni amalga oshirishning imkoni bo'lmasligi mumkin. Yo'l mas'ullari sizning yordamingizga muhtoj. Siz berilgan ma'lumotlardan foydalangan holda yuqorida aytilgan qarorni amalga oshirish mumkin, yoki yo'qligini aniqlashda yordam bering, hamda agar mumkin bo'lsa har bir shahar uchun qaysi shahardan kelish yo'li pullik bo'lishi kerakligini aniqlab bering.

Birinchi qatorda N va M - shaharlar va yo'llar soni kiritiladi.

Keyingi M ta qatorning har birida ikkita butun son - u va v kiritiladi \(u \neq v\). Bu u va v shaharlar orasida yo'l mavjudligini anglatadi.

\(1 \le N \le 10^5\)

\(1 \le M \le 2*10^5\)

\(1 \le u, v \le N\)

Ikki shahar to'g'ridan-to'g'ri ko'pi bilan 1 ta yo'l orqali bog'lanishi kafolatlanadi.

Agar yuqoridagi qarorni amalga oshirishning imkoni bo'lmasa “No” so'zini chop eting.

Aks holda “Yes” so'zini chop eting. Keyingi N ta qatorning har birida 1 tadan butun son - har bir shahar uchun tanlangan yo'lning qarama-qarshi tomondagi shahar raqamini chop eting.

Agar bir nechta yechim mavjud bo'lsa, istalganini chop etishingiz mumkin.