Masala #1078

Mana yana bir muborak Ramazon oyida turibmiz. Ushbu oyda ro'za tutish har bir musulmonga farzdir. Ro'za tutishning  asosiy shartlaridan biri Subh vaqtidan (Subhidamdan) to Kun botgungacha (Shom namozi vaqtigacha) taomlanmaslikdir.
Subh vaqti kirishi hududlarning  joylashuviga qarab farq qiladi. Sizga \(A\) hududdagi Subhidam vaqti beriladi. Siz \(B\) hududdagi Subhidam vaqti qachon kirishini aniqlashingiz kerak. 
Sizga beriladigan hududlarning Toshkent shahridan o'rtacha farqi quyidagicha:
Subhidam oldin kiruvchi hududlar (minut hisobida):

• Andijon - 12
• Angren (Toshkent viloyati) - 3
• Farg'ona - 10
• Namangan - 9

Subhidam keyin kiruvchi hududlar (minut hisobida): 

• Buxoro - 20
• Jizzax - 7
• Navoiy - 17
• Qashqadaryo - 14
• Samarqand - 10
• Sirdaryo - 3
• Surxondaryo - 11
• Xorazm - 35
• Qoraqalpog'iston - 36

Birinchi satrda \(A\) hudud nomi kiritiladi.
Ikkinchi Satrda \(A\) hududga Subhidam kirish vaqti kiritiladi \(hh:mm(03 \le hh \le 05, 00 \le mm \le 59)\). 
Uchinchi satrda \(B\) hudud nomi kiritiladi.

Masala javobini \(hh:mm\) formatda  chop eting.