Masala #1032

Ma’lum bir fermer xo‘jaligi yerining eni \(N\) metr va bo‘yi \(N\) metr ekan. Bunda to‘liq yer 1 metrga 1 metr maydonchalarga ajratilgan. Ba’zi maydonchalarda makkajo‘xori ekilgan, ba’zilari esa bo‘m-bo‘sh.

Asadullo va Ulug‘bek shu yer maydonida berkinmachoq o‘ynamoqchi bo‘lishdi. Ammo Asadullo injiq bo‘lgani sababli o‘yingoh labirint ko‘rinishida bo‘lmasa yoki bo‘sh maydonchalar soni ikkitadan kam bo‘lsa, o‘ynamasligini ma’lum qildi.

Agarda istalgan bo‘sh maydonchadan boshqa bir bo‘sh maydonchaga yagona usulda yetib borishning iloji bo‘lsa, bu yer maydonini labirint deb hisoblasak bo‘ladi. Bitta umumiy tomonga ega maydonchalar qo‘shni hisoblanadi va biridan ikkinchisiga o‘tib bo‘ladi. Albattaki, ekinlarni payhon qilmaslik uchun makkajo‘xori ekilgan maydonchalardan yurish taqiqlanadi.

Sizning vazifangiz Asadullo va Ulug‘bek berkinmachoq o‘ynay olishlarini tekshirish.

Kirish oqimining birinchi qatorida bitta butun son - \(N(1 \le N \le 3000)\) kiritiladi.

Keyingi \(N\) ta qatorning har birida \(N\) tadan son - maydonchalar holati kiritiladi.

Bu yerda 0 bo‘sh maydoncha, 1 esa makkajo‘xori ekilgan maydoncha.

Agar do‘stlar berkinmachoq o‘ynay olishsa “Yes” aks holda “No” so‘zini qo‘shtirnoqlarsiz  chiqaring.