Masala #0291

Harbiylar mamlakatni xavfsizligini ta’minlash uchun hattoki davlat hududining odam yashamaydigan yerlarini ham kuzatib yurishadi. Kunlarning birida harbiylar odam yashamaydigan yerlardan birida 2-jahon urushi vaqtlaridan qolib ketgan N x M o’lchamli minalashtirilgan maydon topib olishdi. Maydonni aniqroq tasavvur qilish uchun uni N ta qator va M ta ustundan iborat minalar jadvali deb hisoblaymiz.

Hozirgi zamon rivojlanganligining evaziga mina zararsizlantiruvchilar minalarni dron robotlari yordamida zararsizlantirishadi. Jami K ta dron robot mavjud. Har bir dron robot 1-kunda minalashtirilgan maydondan Q – qatorning U1 – ustunidan U2 – ustunigacha bo’lgan qismdagi minalarni zararsizlantirish buyrug’ini oldi. Har bir dron alohida harbiy ba’zalarga tegishli bo’lganligi uchun maydondagi ba’zi minalarni zararsizlantirish uchun 2 yoki undan ko’p dronlar buyruq olgan bo’lishi mumkin.

Kirish faylining dastlabki satrida 3 ta butun son, N, M (1 ≤ N, M ≤ 10⁹) va K (0 ≤ K ≤ 1000) sonlari kiritiladi. Keyingi K ta qatorda 3 tadan butun son, har bir dron uchun berilgan buyruqlar, ya’ni Q (1 ≤ Q ≤ N), U1, U2 (1 ≤ U1 ≤ U2 ≤ M) sonlari kiritiladi.

1-kunda barcha dron o’z ishini bajarib bo’lganidan so’ng minalar maydonida zararsizlantirilmagan nechta mina qolganligini aniqlang.