Masala #1186

Faqat oq-qora piksellardan iborat rasmlar bilan ishlaydigan Jumanazarga bugun juda ham mayda rasmni ko‘rib berishni iltimos qilishdi. Rasmga ko‘zi o‘tmagan Jumanazar, shu rasmni bo‘yi bo‘yicha \(a\) marta, eni bo‘yicha \(b\) marta kattalashtirilsa, u bilan ishlashi mumkin ekanligini tushundi.

Albatta rasmni kattalashtirish masalasini Jumanazar sizga qoldirdi.

Shunday qilib Jumanazar sizga \(N × M\) o‘lchamli oq-qora rasm beradi. Bunda oq piksellari nuqta ‘.’ belgisi bilan, qora piksellari ‘x’ belgisi bilan ifodalangan. Siz bu rasmni \((a * N ) × (b * M )\) o‘lchamli qilib kattalashtirishingiz kerak bo’ladi. Rasmni bunday holatda kattalashtirish uchun siz rasmning har bir pikselini \(a × b\) barobar kattalashtirishingiz kerak ekanligini unutmang.

Birinchi qatorda to‘rtta butun son - \(N, M(1 ≤ N, M ≤ 50), a, b(1 ≤ a, b ≤ 5)\) kiritiladi.

Keyingi \(N\) ta qatorning har birida \(M\) tadan belgi - rasmning o‘zi kiritiladi.

\(a * N\)ta qatorning har birida \(b * M\) tadan belgini - kattalashtirilgan rasmni chiqaring.