Masala #E0DH3K9FKJ

Komiljon bugungi informatika darsiga kechikib keldi. Vaholanki ba’zi bir kompyuterlar band edi. Informatika xonasidagi stolda jami \(N\) ta kompyuter bor, stol esa aylana shaklida. Ya’ni har bir \(i\) uchun \(i\)- va \(i+1\)-kompyuterlar hamda 1- va \(N\)-kompyuterlar qo‘shni hisoblanadi.

Komiljon introvert bola, shuning uchun u o‘ziga shunday joy tanlamoqchiki, u boshqa o‘quvchilar o‘tirgan joydan iloji boricha uzoqda joylashgan bo‘lsin. Boshqacha qilib aytgancha Komiljon tanlagan joyda uning chap qo‘shnisi undan \(x\) uzoqlikda, o‘ng qo‘shnisi \(y\) uzoqlikda (stol aylanaligi hisobidan ikkisi ham bir odam bo‘lishi mumkin) bo‘lsa, u \(min(x, y)\) qiymatni maksimallashtiruvchi o‘rindiqni tanlamoqchi. Sizning vazifangiz Komiljon uchun u istagan joyni tanlab berishdan iborat. 

Kirish oqimining birinchi qatorida bitta butun son - \(N(2 \leq N \leq 2000)\) informatika xonasida joylashgan aylana stolidagi kompyuterlar soni.

Kirish oqimining ikkinchi qatorida uzunligi \(N\) bo‘lgan \(S\) satri kiritiladi. 

\(S_i\) = ‘.’ bo‘lsa, \(i\)-kompyuter bo‘sh ekanligini, \(S_i\) = ‘#’ bo‘lsa, \(i\)-kompyuterni boshqa o‘quvchi band qilganligini anglatadi. Hech bo‘lmasa bitta kompyuter band ekanligi hamda hech bo‘lmasa bitta bo‘sh joy bor ekanligi kafolatlanadi.

Komiljonga unga mos keluvchi joyni tanlab bering. To‘g‘ri javob bir nechta bo‘lsa, istalganini chiqaring!