Masala #0746

Agar siz kompyuter sohasida bilimga ega bo’lsangiz demak siz printer degan qurilmani ham juda yaxshi bilasiz. Sizga ma’lumki biror bir hujjatni printerdan chop etish uchun shunchaki chop etish tugmasini bosish kifoya. Ba’zi hollarda printerdan hujjatning qaysidir sahifalarinigina chiqarish ham mumkin, buning uchun siz chop etish jarayonida aynan qaysi sahifalarni chop etish kerakligini aytib o’tishingiz kerak. Misol uchun siz hujjatning beshinchi, o’ninchi, va o’n to’qqizinchi sahifalarini chop etmoqchi bo’lsangiz chop etish jarayonida hujjatning sahifalar raqamlarini vergul bilan ajratgan holda kiritishingiz kerak, ya’ni 5,10,19. Bundan tashqari chop etish jarayonida hujjatning qaysidir oralig’idagi barcha sahifalarni ham chop etish mumkin, buning uchun ‘-‘ (chiziqcha) qo’yib, chiziqchaning chap tomoniga qaysi sahifadan boshlab (Agar qo’yilmasa avtomatik tarzda hujjat boshidan deb hisoblaydi), chiziqchaning o’ng tomoniga qaysi sahifagacha ekanligi(agar qo’yilmasa hujjat oxirigacha ekanligini bildiradi) yoziladi. Misol uchun sizga 25-sahifadan 35-sahifagacha barcha sahifalarni chop etmoqchi bo’lsangiz 25-35 deb yozish yetarli hisoblanadi.

Siz hozirgi vaqtda algoritm va dasturlash musobaqalariga tayyorgarlik ko’ryapsiz, shu sababli sizga 2624 varoqli http://e-maxx.ru/bookz/files/tucker.pdf kitobning ba’zi sahifalari kerak bo’lib qoldi. Siz kitobni printerdan chop etmoqchi bo’ldingiz hamda sahifalarni tanlash qismiga S satrni yozdingiz.

Yozilgan S satr bo’yicha sahifalarni chop etish uchun printerga nechta oq list qo’yilishi kerakligini aniqlang.

Kirish faylining yagona satrida uzunligi 1000 dan oshmaydigan S satr kiritiladi.

Chiqish faylida yagona butun son, printerga nechta qog’oz kerak bo’lishini chop eting

Eslatma: S satrda berilishi bo’yicha siz qaysidir sahifalarni qayta-qayta chop etgan bo’lishingiz ham mumkin.