Masala G

Anvar navbatdagi dasturlash musobaqasida qatnashmoqda. Musobaqada ishtirokchilarga $K$ta masala berilgan. Anvar ulardan $X$tasini ishladi va jami $Y$ daqiqa jarima oldi.

Buni qarangki, afsungar Moldevort unga yordam bera olishini aytdi. Moldevortda $N$ta masala afsuni hamda $M$ta jarima afsuni mavjud. $i$-masala afsuni $A[i]$ tanga turadi va Anvarning ishlagan masalalari sonini bittaga orttirib qo'yadi (ortiqcha jarimasiz). $j$-jarima afsuni esa $B[j]$ tanga turadi va Anvarning umumiy jarimasi miqdorini bittaga kamaytirib qo'yadi.

Anvarda jami $C$ tanga bor. Anvar tangalarini optimal usulda ishlatsa, uning eng yaxshi natijasini (masala va jarima miqdorini) chiqaring.

E'tibor bering, ishtirokchilar orasida shubha uyg'onmasligi uchun, Anvar ishlagan masalalari soni $K$dan oshmasligi, uning jarimasi esa $0$dan kam bo'lmasligi kerak.

*Yakuniy natijalarda avval eng ko'p masala ishlaganlar, teng bo'lib qolgan taqdirda eng kam jarimaga ega ishtirokchilar bo'yicha aniqlanadi.

Birinchi qatorda sizga $K$, $X$, $Y$ va $C$ butun sonlari beriladi. 

Ikkingchi qatorda $N$ va $M$ butun sonlari beriladi.

Uchinchi qatorda $N$ta butun son, $A[1], A[2], ..., A[N]$ beriladi.

So'nggi qatorda $M$ta butun son, $B[1], B[2], ..., B[M]$ beriladi.

Chegaralar: 

• $1 \le K \le 2 \cdot 10^5$
• $0 \le X \le K$
• $0 \le Y \le 10^9$
• $0 \le C \le 10^{9}$
• $1 \le N \le 2 \cdot 10^5$
• $1 \le M \le 2 \cdot 10^5$
• $1 \le A[i] \le 10^9$
• $1 \le B[j] \le 10^9$

Yagona qatorda Anvarning ishlagan masalalari soni va jarimasini chiqaring!