Masala #3OUNNQ7CG5

Eratosfen g'alviri algoritmini deyarli barcha dasturchilar eshitgan bo'lsa kerak. Bilganingizdek, bu algoritm $N$ sonigacha tub sonlarni topishda ishlatiladi. Keling, masala shartini biroz o'zgartiramiz. Bizga $N$ va $K$ natural sonlari va $M$ to'plam berilgan bo'lsin. ($M$ to'plam uzunligi $K$ ga teng.) 1 dan $N$ sonigacha  barcha natural sonlarni yozib chiqamiz. Shu sonlar to'plamidan, dastlab $M_1$ ga bo'linadigan sonlarni, keyin $M_2$ ga bo'linadigan sonlarni, va hokazo, $M_K$ ga bo'linadigan sonlarni chiqarib tashlaymiz. Qolgan to'plam uzunligi nechaga teng?

$M$ to'plam elementlari orasida 1 ishtirok etmasligi kafolatlanadi, chunki hamma son 1ga bo'linadi.

Birinchi qatorda $N$ va $K$ sonlari kiritiladi. Keyingi qatorda $K$ ta  $M_i$ - to'plam elementlari beriladi.

$3 \leq n \leq 10^9$

$1 \leq K \leq 15$

$1 < M_i < N$

Yagona qatorda bitta butun son - masala javobini chop eting.